Термизнинг "Сурхон" жамоаси Суперлиганинг 1-тур учрашувлари доирасида Олмалиқнинг ОКМК жамоасига қарши баҳс олиб боради.
Олмалиқликлар чемпионатда энг юқори поғоналарга даъвогарлардан бири ҳисобланади. Ўтган мавсумда Миржалол Қосимов шогирдлари турнир жадвалида 4-ўринни эгаллади
Ўзаро учрашувлар
Бунга қадар жамоалар ўзаро учрашувларда 8 маротаба майдонга тушишган. 7та учрашувда ОКМК жамоаси ғалаба қозонган, ва 1 маротаба термизликлар устун келган. Ушбу эсда қоларли ўйин 2019 йилнинг сентябрь ойида бўлиб ўтган ва Аброр Исмоиловнинг голи "Сурхон"га ғалаба келтирганди
Олмалиқликлар таркибида ўтган мавсумда “Сурхон”да тўп сурган Рубен Санчес Перес ҳам бор. Айнан Рубен "Сурхон" сафида ОКМК дарвозасига гол урган.
Эслатиб ўтамиз, мазкур ўйин эртага, соат 14:00да "Пахтакор" стадионида бўлиб ўтади.
