Мадриднинг “Реал” клуби бош мураббийи Карло Анчелотти шартномаси мавсум охирида тугайдиган ярим ҳимоячи Марко Асенсиога бўлган ишончни йўқотмоқда.
Deportes Cuatro нашри хабарига кўра, италиялик мутахассис Асенсиони эркин агент сифатида қўйиб юбориш ва Ла Лигада 18 дақиқада битта гол ва битта голли узатмага эга бўлган 18 ёшли Альваро Родригесга ишонишни ўйламоқда.
Эслатиб ўтамиз, аввалроқ "Реал" Асенсио билан янги шартнома масаласида муросага келиши мумкинлиги ҳақида хабарлар тарқалган эди. Бироқ, Марконинг келажаги ҳозирча қоронғу.
Анчелотти мавсум охирида ўз лавозимини тарк этса, вазият ўзгариши мумкин. Аввалроқ, собиқ ҳужумчи Рауль Гонсалес жамоанинг янги мураббийи бўлиши мумкинлиги ҳақида хабарлар тарқалган эди.
