Жек Грилиш Puma билан рекорд даражадаги ҳомийлик шартномасини имзолади.
The Telegraph нашри хабарига кўра, "Манчестер Сити" ярим ҳимоячиси бу келишувни олиб келадиган сумма Буюк Британиялик футболчилар учун рекорд ҳисобланади. Илгари Гарри Кейн ва Гарет Бэйл бренд компаниялар билан тузилган шартнома бўйича британиялик футболчилар орасида энг кўп маош олишган - мавсумда тахминан 4 миллион фунт. Грилишнинг шартномаси шартлари ва у оладиган сумма ошкор этилмаган.
Шартномага кўра, Грилиш Puma бутсаларини кияди, шунингдек, бренд маҳсулотларидан майдон ташқарисида ҳам фойдаланади. Англиялик ярим ҳимоячи аввалроқ Nike билан ҳамкорлик қилган.
