Jek Grilish Puma bilan rekord darajadagi homiylik shartnomasini imzoladi.
The Telegraph nashri xabariga ko‘ra, "Manchester Siti" yarim himoyachisi bu kelishuvni olib keladigan summa Buyuk Britaniyalik futbolchilar uchun rekord hisoblanadi. Ilgari Garri Keyn va Garet Beyl brend kompaniyalar bilan tuzilgan shartnoma bo‘yicha britaniyalik futbolchilar orasida eng ko‘p maosh olishgan - mavsumda taxminan 4 million funt. Grilishning shartnomasi shartlari va u oladigan summa oshkor etilmagan.
Shartnomaga ko‘ra, Grilish Puma butsalarini kiyadi, shuningdek, brend mahsulotlaridan maydon tashqarisida ham foydalanadi. Angliyalik yarim himoyachi avvalroq Nike bilan hamkorlik qilgan.
