"Челси" бош мураббийи Грэм Поттер 1/8 финалда Дортмунднинг "Боруссия"сига (2:0) қарши ўйиндан сўнг ўз фикрларини билдириб ўтди.

“Кўклар” сафардаги учрашувдаги мағлубиятга (0:1) қарамай, чорак финал йўлланмасини қўлга киритди.

" Ўйин охири асабий бўлди, лекин мен йигитлардан жуда мамнунман - улар ажойиб ўйнашди. Клуб ҳақида қайғурадиган ҳар бир киши учун жуда муҳим ғалаба.

Кийиниш хонасидаги муҳит ажойиб. Биз жуда кўп қийинчиликларни бошдан кечирдик ва Чемпионлар лигасидаги муваффақият биз учун жуда муҳим. Биз чорак финалга чиқишга чин дилдан умид қилгандик.

Футболчилар борларини беришди, бунинг учун мен улардан жуда миннатдорман. Ўйлайманки, биз иккала ўйин мазмунидан келиб чиқиб, кейинги босқичига чиқишга лойиқ эдик”, - деди Поттер BT Sport нашрига берган интервьюсида.