«Бенфика» бош мураббийи Рожер Шмидт Чемпионлар лигаси 1/8 финал жавоб ўйинида «Брюгге» устидан қозонилган йирик ғалабадан (5:1) сўнг ўз фикрларини билдирди.
«Мен футболчиларим билан жуда фахрланаман. Биз қандай ажойиб жамоа эканлигимизни кўрсатдик.
«Бенфика» ҳақли равишда Чемпионлар лигасининг кейинги босқичига йўл олди», - дея Шмидтнинг сўзларини келтиради УЕФА расмий сайти.
Португалия клуби икки учрашув натижасига кўра (2:0, 5:1) «Брюгге»дан кучлироқ бўлиб чиқди ва турнирнинг чорак финалига йўл олди.
