Каталониянинг «Барселона» клуби ярим ҳимоячиси Френки де Йонг келажакдаги режалари ҳақида бир қарорга келди.

Ижтимоий тармоқлар инсайдери Фабрицио Романонинг хабар беришича, голландиялик ярим ҳимоячи клуби сафида ўйнашда давом этиш ниятида.

25 ёшли футболчининг каталонияликлар билан шартномаси 2026 йилнинг ўрталарига қадар мўлжалланган. Аввалроқ ОАВ Френкига «Манчестер Юнайтед»дан қизиқиш бўлаётгани ҳақида хабарлар тарқатганди.

Де Йонг жорий мавсумда «Барселона» сафида 22 та ўйинда майдонга тушиб, 2 та гол ва 1 та голли узатмага муаллифлик қилган.