Kataloniyaning «Barselona» klubi yarim himoyachisi Frenki de Yong kelajakdagi rejalari haqida bir qarorga keldi.
Ijtimoiy tarmoqlar insayderi Fabrisio Romanoning xabar berishicha, gollandiyalik yarim himoyachi klubi safida o‘ynashda davom etish niyatida.
25 yoshli futbolchining kataloniyaliklar bilan shartnomasi 2026 yilning o‘rtalariga qadar mo‘ljallangan. Avvalroq OAV Frenkiga «Manchester Yunayted»dan qiziqish bo‘layotgani haqida xabarlar tarqatgandi.
De Yong joriy mavsumda «Barselona» safida 22 ta o‘yinda maydonga tushib, 2 ta gol va 1 ta golli uzatmaga mualliflik qilgan.
