"Наполи" ҳужумчиси Виктор Осимхен "Челси" ҳужум марказини кучайтириш учун энг яхши танловдир. Журналист Бен Жейкобснинг фикрича, "кўклар" нигериялик ҳужумчини кузатишмоқда.
Бироқ мавсум давом этар экан, “Наполи” А Сериянинг энг яхши тўпурарини сотиш бўйича музокаралар олиб боришни истамаяпти. Ёзда неаполликлар Осимхеннинг эҳтимолий сотилишини муҳокама қилишга рози бўлишади. Бироқ, нигериялик ҳужумчи харидорга камида 100 миллион еврога тушиши аниқ.
Жорий мавсумда Осимхен Италия чемпионатида 19 та гол урди ва 3 та голли узатмани амалга оширди. Виктор ўзининг учинчи мавсумини "Наполи" жамоасида ўтказмоқда.
