Жароҳат олган "ПСЖ" клуби ҳужумчиси Неймар тиззасидан операция қилинди. Бу ҳақда Lequipe журналистлари хабар бермоқда. Операция Доҳа (Қатар)даги клиникалардан бирида ўтказилди.
Эслатиб ўтамиз, бразилиялик ҳужумчи яқинда, 19 февраль куни бўлиб ўтган Франция чемпионатининг "Лилль" жамоасига қарши ўйинида (4:3) жароҳат олган эди. Неймар жароҳати туфайли жорий мавсумнинг қолган қисмини ўтказиб юборади.
Жорий мавсумда бразилиялик футболчи "ПСЖ" таркибида барча мусобақаларда 29 та жанг ўтказиб, 18 та гол ва 17 та голли узатмага муаллифлик қилган. Унинг шартномаси 2025 йилнинг ёзига қадар мўлжалланган.
