Нигерия терма жамоасини бошқараётган португалиялик мураббий Жозе Пезейру терма жамоа ҳужумчиси Виктор Осимхен ҳақида ўз фикрлари билан ўртоқлашди.

"Виктор дунёнинг исталган клубида ўйнай олади. АПЛ жамоаси бўладими ёки "Реал". Осимхен "Олтин тўп"ни қўлга кирита оладими, билмайман, лекин у кўп маротаба тўпурар бўлиши аниқ. У гол уришнинг ажойиб қобилиятига эга", - деди Пезейру Sportitalia билан суҳбатда.

Олдинроқ Осимхенга "ПСЖ", "Реал", "Челси" ва "Манчестер Юнайтед" клублари қизиқиш билдираётгани хабар қилинганди.

24 ёшли нигериялик футболчи жорий мавсумда “Наполи” сафида А серияда 21 та ўйинда майдонга тушиб, 19 та гол уришга эришди.