"Манчестер Сити" аргентиналик ҳужумчи Хулиан Альварес билан шартномани узайтириш борасида музокаралар олиб бормоқда. Бу ҳақда журналист Сезар Луис Мерло хабар тарқатмоқда.
Инсайдер хабарига кўра, “шаҳарликлар” келаси ҳафтада ҳужумчи билан шартномани узайтириш бўйича музокараларнинг янги босқичини ўтказишни режалаштиришган. Келишув ўша пайтдаёқ ёпилиши кутилмоқда, чунки "Манчестер Сити" Альваресга 2028 йилгача яхши молиявий шартларда янги шартнома таклиф қилади. Эътиборлиси, футболчининг амалдаги шартномаси атиги бир йил кам муддатга, яъни 2027 йилгача мўлжалланган.
23 ёшли Альварес жорий мавсум “Манчестер Сити” сафида 31 та ўйинда майдонга тушиб, 10 та гол урди ва 3 та голли узатмани амалга оширди.
