"Manchester Siti" argentinalik hujumchi Xulian Alvares bilan shartnomani uzaytirish borasida muzokaralar olib bormoqda. Bu haqda jurnalist Sezar Luis Merlo xabar tarqatmoqda.

Insayder xabariga ko‘ra, “shaharliklar” kelasi haftada hujumchi bilan shartnomani uzaytirish bo‘yicha muzokaralarning yangi bosqichini o‘tkazishni rejalashtirishgan. Kelishuv o‘sha paytdayoq yopilishi kutilmoqda, chunki "Manchester Siti" Alvaresga 2028 yilgacha yaxshi moliyaviy shartlarda yangi shartnoma taklif qiladi. E’tiborlisi, futbolchining amaldagi shartnomasi atigi bir yil kam muddatga, ya’ni 2027 yilgacha mo‘ljallangan.

23 yoshli Alvares joriy mavsum “Manchester Siti” safida 31 ta o‘yinda maydonga tushib, 10 ta gol urdi va 3 ta golli uzatmani amalga oshirdi.