"Futsal World Ranking" сайти бугун жаҳон футзал терма жамоаларининг янги рейтингини эълон қилди.
Ўзбекистон терма жамоаси 1260 очко билан жадвалда 24-поғонани банд этиб турибди. Жамоамиз февраль ойи рейтингида ҳам шу поғонани эгаллаганди. Агар 2022 йил деабрь ойи рейтинги билан таққосласак, Ўзбекистон 3 ой ичида 3 поғона пастга тушган.
Футзал термамиз Осиё қитъасида учинчи рейтинг кўрсаткичига эга. Қитъамизнинг энг яхши терма жамоаси Эрон 6-ўринни эгаллаб турган бўлса, Япония 12-ўринни эгаллаган.
Рейтингни эса Бразилия терма жамоаси бошқариб турибди (1796). Кейинги ўринларни Испания (1772), Португалия (1753), Россия (1671) ва Аргентина (1650) терма жамоалари банд этиб туришибди.
