"Манчестер Сити" ярим ҳимоячиси Илкай Гюндоган терма жамоадаги фаолиятини якунламасликка қарор қилди. Ярим ҳимоячи Германия терма жамоасида ўйнашда давом этади, буни немис журналисти Кристиан Фальк тасдиқлади.
Манбага кўра, Гюндоган Германия терма жамоаси бош мураббийи Ханс-Дитер Флик билан узоқ вақт суҳбатлашиб, келажаги ҳақида гаплашган. Мураббий Гюндоган якунда терма жамоада қолиб, жамоага Евро-2024да ёрдам беришга қарор қилганидан жуда мамнун.
Эслатиб ўтамиз, мавсум якунида Илкайнинг "Манчестер Сити" билан шартномаси якунланади. Футболчи эркин агент сифатида "Барселона"га ўтиши мумкин.
