«Ливерпул»га тегишли ярим ҳимоячи Наби Кейта «Милан»га ўтмайди. Бу Calciomercato журналистларига маълум бўлди.
Италиялик журналистларнинг ёзишича, футболчининг вакиллари «россонерилар» билан музокара ўтказган, бироқ эҳтимолий битим бўйича келиша олмаган. Миланликлар учун Кейтанинг молиявий сўровлари тўсиқ бўлди.
Манбанинг қайд этишича, Набида фаолиятини Германия чемпионатида давом эттириш имкониятлари ҳам бор.
28 ёшли гвинеялик футболчининг мерсисайдликлар билан шартномаси 2023 йилнинг ёзига қадар тузилган. Ярим ҳимоячининг трансфер нархи 20 миллион еврога баҳоланмоқда.
