«Барселона» Усмон Дембеле билан шартномани узайтирмоқчи.
Каталония клуби франциялик футболчи билан шартномани узайтириш бўйича якуний музокараларга ҳозирлик кўрмоқда, деб хабар беради Diario Sport. Амалдаги келишув 2024 йилгача мулжалланган.
Шу билан бирга, «Барселона» аввало Бускетс билан боғлиқ муаммони ҳал қилмоқчи, шундан сўнг дарҳол Дембеле билан шартномани узайтириш бўйича музокараларни бошлайди.
Қайд этилишича, Дембеле Хави билан жуда яхши муносабатда ва у «Барселона»да ўзини қулай ҳис қилмоқда ва қолишни хоҳлайди. Шу билан бирга, Усмон молиявий жиҳатдан ўзига мос келадиган таклифга умид қилмоқда.
