"Наполи" вингери Хвича Кварацхелия "Реал"да ўйнашни орзу қилади. Журналист Аранча Родригеснинг сўзларига кўра, грузиялик футболчи болалигидан мухлислик қиладиган “қироллик клуби”га ўтмоқчи.
Эслатиб ўтамиз, кеча Кварацхелия “Наполи” сафида “Аталанта” дарвозасига гол урди. Бу грузиялик учун жорий А Серия мавсумидаги ўн биринчи гол бўлди. Қанот ҳужумчиси шунингдек чемпионатда та голли узатмани ҳам амалга оширди.
Аввалроқ Кварацхелияга Англия Премьер-лигасининг топ-клубларидан қизиқиш борлиги ҳақида хабарлар тарқалган эди. Хусусан, футболчига “Ливерпуль” ва амалдаги мамлакат чемпиони “Манчестер Сити” клублари қизиқиш билдиришган.