Ярим ҳимоячи Илкай Гюндоган март ойидаги йиғин учун Германия терма жамоасига чақирув олмайди.
Sky нашрининг хабар беришича, футболчи жамоа бош мураббийи Ханс-Дитер Флик билан суҳбатлашган. Томонлар Гюндоган бу ойда "Бундестим" сафига бормагани маъқулроқ деган фикрга келишди. Асосий сабаб Илкай яқин кунларда ота бўлади.
Қайд этилишича, Илкай Гюндюган ва Ханс-Дитер Флик ўртасида ажойиб муносабатлар мавжуд. Футболчи Германия терма жамоасида ўйнашни давом эттиришга қарор қилган.
Март ойида Германия терма жамоаси Перу ва Бельгияга қарши ўртоқлик учрашувлари ўтказади.
