"Милан" бош мураббийи Стефано Пиоли жамоасининг ягона гол муаллифи Оливье Жируни нега алмаштирганини тушунтирди.

Франциялик ҳужумчи танаффусга бироз вақт қолганида “россонерилар”ни олдинга олиб чиқди, бироқ 62-дақиқада Златан Ибраҳимовичга ўз ўрнини бўшатиб берди. Учрашув 1:1 ҳисобида якунланди.

“Менимча, Оливьенинг ўйини ажойиб эмас эди. У ажойиб гол урди, лекин умуман олганда у энг яхши ўйинини кўрсатмади. Бизда захира ўриндиғида майдонга тушишга тайёр учта ҳужумчи бор эди ва мен ўзгартиришлар киритишим керак деб қарор қилдим", - деди мутахассис DAZN нашрига.

Оливье Жирунинг бугунги голи унинг А Сериядаги жорий мавсумидаги саккизинчи голи бўлди - Рафаэль Леау билан бирга жамоадаги энг яхши натижа.