"Наполи" ҳужумчиси Виктор Осимхен ёзги трансфер ойнасида сотиб юборилиши мумкин.

Нигериялик футболчи А серияда тўпурарлар рўйхатида биринчи ўринни эгаллаб турибди, унинг жамоаси эса барқарорлик билан чемпионлик сари интилмоқда. Инсайдер Флориан Плеттенбергнинг хабарига кўра, 24 ёшли футболчига Европа футболидаги деярли барча гигантлар қизиқиш билдирмоқда, аммо унга асосий даъвогарлар "Пари Сен-Жермен", "Манчестер Юнайтед", "Челси" ва "Манчестер Сити"дир. Трансфер нархи камида 100 миллион еврони ташкил қилади.

Виктор Осимхен “Наполи” сафида жорий мавсумда барча мусобақаларда 27 та ўйинда майдонга тушиб, 21 та гол урди.