Мадриднинг «Реал» клуби президенти Флорентино Перес яқин вақтлар ичида Криштиану Роналду билан янги шартнома борасида гаплашиб олиш учун учрашади. Бу ҳақда «Маrca» нашри хабар тарқатмоқда.
Манбанинг маълум қилишича, мадридликлар португалиялик ҳужумчи учун фаолиятининг охирига қадар бўлган шартномани таклиф қилишмоқчи.
Янги шартномада Роналдуга тўланадиган маош миқдори ҳам ошиши кўзда тутилган. Ҳозирги вақтда Роналду тахминан 10 миллион евро йиллик маош олади.
Эслатиб ўтамиз, олдинроқ Криштиану Роналду «Реал»да бахтли эмаслиги ва шу боис жамоани тарк этиш нияти борлигини маълум қилганди.













