Австралия миллий терма жамоаси ажаблантиришда давом этмоқда. Биринчи турда Уммонга сафар уюштириб, голсиз дурангга имзо чеккан "соккеруз", иккинчи турда ўз майдонида Япония билан 1:1 ҳисобида дуранг ўйнади. Бугун эса Австралия Иордания майдонида 1:2 ҳисобида ютқазиб қўйди.
Голлар иккинчи бўлимда киритилди. Абдулфаттоҳ 51-дақиқада пенальтидан ҳисобни очган бўлса, 73-дақиқада Амир Дийб ҳисобдаги фарқни 2тага етказди. Ўйин тугашига 5 дақиқа қолганида яшил қитъа вакиллари Томпсоннинг голи эвазига ҳисобни биттага қисқартиришди.
Гуруҳнинг биринчи ўйинида Япония ўз майдонида Ироқ устидан минимал ҳисобдаги ғалабага эришди ва амалда ЖЧ-2014 йўлланмасини ҳал қилди. Иордания эса 2-ўринга кўтарилиб олди.
B - Гуруҳи
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Япония | 4 | 3 | 1 | 0 | 11-1 | 10 |
| 2 | Иордания | 3 | 1 | 1 | 1 | 3-8 | 4 |
| 3 | Австралия | 3 | 0 | 2 | 1 | 2-3 | 2 |
| 4 | Ироқ | 3 | 0 | 2 | 1 | 2-3 | 2 |
| 5 | Уммон | 3 | 0 | 2 | 1 | 1-4 | 2 |
