Чемпионлар лигасининг 1/4 финал босқичида «Наполи» «Милан» билан куч синашади. Неаполликлар жамоаси устози Лучано Спалетти қуръа натижалари ҳақида фикр билдирди.

«Мен Италия клублари билан учрашмасликни афзал кўраман. Фақат футболни тушунмайдиганлар буни қулай деб атайди.

Чемпионлар лигасида фақат «Реал» «Милан»дан кўпроқ ғалаба қозонган. Биргина Мальдини бу совринни беш марта қўлга киритган.

Ҳар бир инсон Европада тажриба ҳал қилувчи аҳамиятга эга эканлигини таъкидлайди. Бу факт «Милан»ни фаворитга айлантиради», - деди Спалетти.

Қўшимча қилиб ўтамиз, «Наполи» – «Милан» баҳси ғолиби ярим финалда ё «Интер» ёки «Бенфика» билан ўйнайди.