Chempionlar ligasining 1/4 final bosqichida «Napoli» «Milan» bilan kuch sinashadi. Neapolliklar jamoasi ustozi Luchano Spaletti qur’a natijalari haqida fikr bildirdi.
«Men Italiya klublari bilan uchrashmaslikni afzal ko‘raman. Faqat futbolni tushunmaydiganlar buni qulay deb ataydi.
Chempionlar ligasida faqat «Real» «Milan»dan ko‘proq g‘alaba qozongan. Birgina Maldini bu sovrinni besh marta qo‘lga kiritgan.
Har bir inson Yevropada tajriba hal qiluvchi ahamiyatga ega ekanligini ta’kidlaydi. Bu fakt «Milan»ni favoritga aylantiradi», - dedi Spaletti.
Qo‘shimcha qilib o‘tamiz, «Napoli» – «Milan» bahsi g‘olibi yarim finalda yo «Inter» yoki «Benfika» bilan o‘ynaydi.
