«Челси» мавсум охирида жамоани тарк этиши мумкин бўлган ярим ҳимоячи Мэйсон Маунтнинг ўрнига битта номзод топди.
Журналист Роб Доусон хабарига кўра, «кўклар» аввалроқ «Манчестер Юнайтед»да ўйнаган «Фулхэм» ярим ҳимоячиси Андреас Перейрани олиб келишни кўриб чиқмоқда.
Маунтнинг «Челси» билан шартномаси тугашига бир йилдан сал кўпроқ вақт қолди. Томонлар янги битим бўйича келиша олишмаяпти, шунинг учун Мэйсон яқинлашиб келаётган трансфер ойнасида «кўклар» лагерини тарк этиши мумкин.
Перейра «Фулхэм» сафида дебют мавсумини ўтказмоқда. 27 ёшли Андреас Англия Премьер-лигасининг ушбу мавсумида иккита гол урди ва 6 голга ассистентлик қилди.
