«Chelsi» mavsum oxirida jamoani tark etishi mumkin bo‘lgan yarim himoyachi Meyson Mauntning o‘rniga bitta nomzod topdi.
Jurnalist Rob Douson xabariga ko‘ra, «ko‘klar» avvalroq «Manchester Yunayted»da o‘ynagan «Fulxem» yarim himoyachisi Andreas Pereyrani olib kelishni ko‘rib chiqmoqda.
Mauntning «Chelsi» bilan shartnomasi tugashiga bir yildan sal ko‘proq vaqt qoldi. Tomonlar yangi bitim bo‘yicha kelisha olishmayapti, shuning uchun Meyson yaqinlashib kelayotgan transfer oynasida «ko‘klar» lagerini tark etishi mumkin.
Pereyra «Fulxem» safida debyut mavsumini o‘tkazmoqda. 27 yoshli Andreas Angliya Premyer-ligasining ushbu mavsumida ikkita gol urdi va 6 golga assistentlik qildi.
