Испаниянинг АS нашри Испания Ла лигасининг 26-турида "Барселона"га қарши ўйин (1:2) учун "Реал" ҳужумчиси Карим Бенземани танқид қилди.

35 ёшли француз нашрдан 10 баллдан 0 балл олди. У Мадриднинг асосий таркибида майдонга тушди ва бутун учрашувни майдонда ўтказди.

"Бензема яна кўринмас бўлиб қолди. У умуман ҳеч нарса қилмади. У тўпни қабул қилмайди ва жарима майдончаси ичида ўз ўйинини белгилай олмайди. Карим "Олтин тўп"ни қўлга киритган футболчининг ёрқин версиясидан жуда йироқ", дейилади хабарда.

Умуман олганда, Бензема жорий мавсумда барча турнирларда 29 та ўйинда майдонга тушиб, 19 та гол урди ва 5 та голли узатмани амалга оширди. Унинг клуб билан шартномаси шу ёзда якунига етади.