Ispaniyaning AS nashri Ispaniya La ligasining 26-turida "Barselona"ga qarshi o‘yin (1:2) uchun "Real" hujumchisi Karim Benzemani tanqid qildi.
35 yoshli fransuz nashrdan 10 balldan 0 ball oldi. U Madridning asosiy tarkibida maydonga tushdi va butun uchrashuvni maydonda o‘tkazdi.
"Benzema yana ko‘rinmas bo‘lib qoldi. U umuman hech narsa qilmadi. U to‘pni qabul qilmaydi va jarima maydonchasi ichida o‘z o‘yinini belgilay olmaydi. Karim "Oltin to‘p"ni qo‘lga kiritgan futbolchining yorqin versiyasidan juda yiroq", deyiladi xabarda.
Umuman olganda, Benzema joriy mavsumda barcha turnirlarda 29 ta o‘yinda maydonga tushib, 19 ta gol urdi va 5 ta golli uzatmani amalga oshirdi. Uning klub bilan shartnomasi shu yozda yakuniga yetadi.
