"Манчестер Сити"дан ижара асосида немис клубида ўйнаётган "Бавария" ҳимоячиси Жоау Канселу жамоада қолишни истайди, деб хабар беради Sky Germany.
Манбага кўра, 28 ёшли португалиялик футболчи доимий равишда "Бавария"га ўтиш истагини билдирган, бироқ мюнхенликлар шартнома шартларига кўра сотиб олиш варианти сифатида кўрсатилган 70 миллион еврони тўлашга тайёр эмас. Қолаверса, “Барселона” Канселу учун курашишга тайёр.
"Бавария" ҳимоячини шу йилнинг январь ойида ижарага олганди. Ўшандан бери у клуб сафида 9 та ўйинда майдонга тушиб, 1 та гол урди ва голли узатмани амалга оширди.
