Пайшанба куни Россия терма жамоаси Эронга қарши ўртоқлик ўйини ўтказади. Теҳрондаги баҳс 23 март куни 22:00да бошланади.
Эрон - Россия ўйинида Илгиз Танташев бошчилигидаги ўзбекистонлик ҳакамлар бригадаси ишлайди.
Қанотларда Андрей Цапенко ва Тимур Гайнуллин ўз вазифаларини бажаради. Тўртинчи ҳакам Араб Амир бўлади.
Аввалроқ Матч ТВ Эрон ва Россия терма жамоалари ўртасидаги ўйинни трансляция қилиши маълум бўлганди.
Қўшимча қиламизки, 26 март куни Россия терма жамоаси ўз майдонида Ироққа қарши ўйин ўтказади.