“Тоттенхэм” тажрибали франциялик Уго Льорис ўрнига дарвозабон қидирмоқда. ESPN хабарига кўра, "шпорлар"нинг қисқа рўйхатида иккита футболчи бор. Гап "Манчестер Юнайтед"дан Дин Хендерсон ва "Эвертон"да ўйнайдиган Жордан Пикфорд ҳақида кетмоқда.
Пойтахт клуби жорий мавсум якунида футболчилар билан музокара олиб боради.
Льорис 2012 йилнинг августидан бери "Тоттенхэм"да ўйнаб келмоқда. Унинг клуб билан шартномаси 2024 йилнинг ўрталарига қадар мўлжалланган.
Англия Премьер-лигасининг жорий мавсумида 36 ёшли франциялик дарвозабон 21 та ўйин ўтказиб, 29 та гол ўтказиб юборган.
