“Tottenxem” tajribali fransiyalik Ugo Lyoris o‘rniga darvozabon qidirmoqda. ESPN xabariga ko‘ra, "shporlar"ning qisqa ro‘yxatida ikkita futbolchi bor. Gap "Manchester Yunayted"dan Din Xenderson va "Everton"da o‘ynaydigan Jordan Pikford haqida ketmoqda.

Poytaxt klubi joriy mavsum yakunida futbolchilar bilan muzokara olib boradi.

Lyoris 2012 yilning avgustidan beri "Tottenxem"da o‘ynab kelmoqda. Uning klub bilan shartnomasi 2024 yilning o‘rtalariga qadar mo‘ljallangan.

Angliya Premyer-ligasining joriy mavsumida 36 yoshli fransiyalik darvozabon 21 ta o‘yin o‘tkazib, 29 ta gol o‘tkazib yuborgan.