“Ан-Наср” ва Португалия терма жамоаси ҳужумчиси Криштиану Роналду терма жамоанинг янги бош мураббийи Роберто Мартинес билан ишлаш таассуротлари билан ўртоқлашди.

“Мартинес қўл остидаги машғулотлар жуда динамик бўлди, тўхташлар унчалик кўп эмас. Ҳар доим ҳаракатдаман, бу менга ёқади, чунки мен ҳаётда худди шундайман”, - дея Роналдудан иқтибос келтиради COPE.

38 ёшли футболчи, шунингдек, Мартинес қўл остида Португалия жамоасининг ўйин услуби янада ҳужумкор бўлиб кетишига ишонч билдирди.

Роналду жорий мавсумда “Ан-Наср” сафида 10 та ўйинда майдонга тушиб, 9 та гол урди ва 2 та голли узатмани амалга оширди.