“An-Nasr” va Portugaliya terma jamoasi hujumchisi Krishtianu Ronaldu terma jamoaning yangi bosh murabbiyi Roberto Martines bilan ishlash taassurotlari bilan o‘rtoqlashdi.
“Martines qo‘l ostidagi mashg‘ulotlar juda dinamik bo‘ldi, to‘xtashlar unchalik ko‘p emas. Har doim harakatdaman, bu menga yoqadi, chunki men hayotda xuddi shundayman”, - deya Ronaldudan iqtibos keltiradi COPE.
38 yoshli futbolchi, shuningdek, Martines qo‘l ostida Portugaliya jamoasining o‘yin uslubi yanada hujumkor bo‘lib ketishiga ishonch bildirdi.
Ronaldu joriy mavsumda “An-Nasr” safida 10 ta o‘yinda maydonga tushib, 9 ta gol urdi va 2 ta golli uzatmani amalga oshirdi.
