Яқинда "Ньюкасл" "Наполи"га ҳужумчи Виктор Осимхен трансфери учун 100 миллион евро таклиф қилди.
La Gazzetta dello Sport нашри хабарига кўра, неаполликлар нигериялик футболчини сотишдан бош тортган.
Манбанинг айтишича, "Наполи" Осимхен билан янги шартнома имзолаб, уни сақлаб қолмоқчи. Футболчининг ўзи аввалроқ Англия Премьер-лигасида ўйнашни орзу қилишини инкор этмаганди.
Осимхен Италия А Сериясининг жорий мавсумдаги энг яхши тўпурари ҳисобланади. А Серияда нигериялик футболчи ҳисобида 21 та гол бор. Ҳужумчининг хизматларига Англиянинг “Манчестер Юнайтед” ва “Челси” клублари ҳам қизиқиш билдиришган.
