Австрия терма жамоаси Европа чемпионатининг навбатдаги саралаш босқичини йирик ғалаба билан бошлади, жамоа Озарбайжон терма жамоасини 4:1 ҳисобида мағлуб этди.
Австрия терма жамоаси ярим ҳимоячиси Марсель Забитцер жамоасининг учта голида иштирок этди. У икки марта гол урди ва жамоадоши Кристоф Баумгартнерга ҳам муваффақиятли ассист берди.
Маълум бўлишича, Англиянинг «Манчестер Юнайтед» жамоасида тўп тепаётган Забитцер Австрия терма жамоасининг 2012 йилдан бери бир учрашувда бирданига учта голида қатнашган илк футболчисига айланди.
Бунгача ўн йил олдин, Қозоғистон терма жамоасига қарши ўйинда Давид Алаба бу ишни уддалаган эди.
