Бразилиялик собиқ футболчи ва мураббий Дунга Карло Анчелотти номзоди ҳақида гапирди.
Айнан "Реал"нинг италиялик устози Тите кетганидан кейин Бразилия терма жамоасининг янги бош мураббийи бўлиши мумкин.
"Анчелотти Бразилия терма жамоасини бошқарадими ёки йўқми, билмайман, лекин у, жуда юқори савияли мутахассис. У ҳамма жойда ғалаба қозонди ва гўё ўзини аллақачон чарчатиб қўйган "Реал"нинг зафарли йўлига қайтишга муваффақ бўлди. Менимча, у Бразилияни жаҳон чемпионига айлантира олади. Лекин у хоҳлайдими, билмайман. Ҳозир буни ҳеч ким айта олмайди”, - деди Дунга La Gazzetta dello Sport нашрига берган интервьюсида.
