«Милан» дарвозабони Майк Меньян клуб билан янги шартнома имзолаши мумкин.
Франциялик футболчининг амалдаги шартномаси 2026 йилгача мўлжалланган, аммо миланликлар 27 ёшли футболчининг ўйинидан қойил қолишган ва уни бошқа клублар қизиқишидан ҳимоя қилишга умид қилмоқда.
Инсайдер Николо Скиранинг сўзларига кўра, яқин ҳафталарда «россонерилар» раҳбарияти дарвозабон билан маоши оширилган янги шартнома бўйича музокараларни бошлайди.
Майк Меньян «Милан» лойиҳасининг асосий қисми ҳисобланади ва клуб уни келгуси йиллар учун муҳим футболчи деб билади.
Франциялик дарвозабон жорий мавсум Стефано Пиоли жамоаси сафида 14 та ўйинда майдонга тушиб, 16 та гол ўтказиб юборган.
