«Milan» darvozaboni Mayk Menyan klub bilan yangi shartnoma imzolashi mumkin.
Fransiyalik futbolchining amaldagi shartnomasi 2026 yilgacha mo‘ljallangan, ammo milanliklar 27 yoshli futbolchining o‘yinidan qoyil qolishgan va uni boshqa klublar qiziqishidan himoya qilishga umid qilmoqda.
Insayder Nikolo Skiraning so‘zlariga ko‘ra, yaqin haftalarda «rossonerilar» rahbariyati darvozabon bilan maoshi oshirilgan yangi shartnoma bo‘yicha muzokaralarni boshlaydi.
Mayk Menyan «Milan» loyihasining asosiy qismi hisoblanadi va klub uni kelgusi yillar uchun muhim futbolchi deb biladi.
Fransiyalik darvozabon joriy mavsum Stefano Pioli jamoasi safida 14 ta o‘yinda maydonga tushib, 16 ta gol o‘tkazib yuborgan.
