Дортмунднинг «Боруссия» клуби ярим ҳимоячи Жуд Беллингемни ўз сафида сақлаб қолиш учун ҳаракат қилишда давом этмоқда.
19 ёшли футболчи «Реал Мадрид» ва Англия Премьер-лигаси гигантлари учун устувор мақсад, аммо «Боруссия» инглиз футболчисини кейинги мавсумда жамоада қолдиришни истайди.
«Асаларилар» раҳбариятининг Беллингем билан келишувни узайтириш нияти бир неча кун аввал маълум бўлди ва энди инсайдер Николо Скира ярим ҳимоячига 2027 йилгача шартнома таклиф қилинганини айтди.
Шартнома 2024 йил июлидан кучга киради. Беллингем агар рози бўлса, дортмундликларнинг энг кўп маош олувчи футболчисига айланади.
