«Тоттенхэм» президенти Дениэль Леви 2017 йилда ҳимоячи Кайл Уокерни «Манчестер Сити»га сотганидан ҳануз афсусда.
Журналист Ян Ледиманнинг фикрича, «шпорлар» раҳбарияти бу қарори учун ҳалигача ўзини кечира олмайди.
Қолаверса, Леви ўзининг асосий футболчиларини «Манчестер Сити»га энди сотмасликка қарор қилди.
Бу 2021 йилнинг ёзида ўзини намоён қилди, ўшанда «шаҳарликлар» ҳужумчи Харри Кейн билан шартнома имзоламоқчи бўлишганди, аммо рад жавобини олишди.
Эслатиб ўтамиз, Уокер «Манчестер Сити»га ўтганидан бери тўрт марта Англия чемпионига айланган. 32 ёшли ҳимоячи тез орада «шаҳарликлар» билан шартномасини узайтириши керак.
