Ўтган ёзда ярим ҳимоячи Хави Симонс "ПСЖ"дан Нидерландиянинг ПСВ клубига ўтган эди. Шу билан бирга, "ПСЖ" ўйинчини қайтариб сотиб олиш имкониятига эга. Бу ҳақда Симонснинг ўзи изоҳ берди.
"Одамлар мендан "ПСЖ" мени қайтариши мумкин бўлган банд ҳақида сўрашади. Аммо мен уларга шундай жавоб бераман: "Мен ПСВ билан беш йиллик шартнома имзолаганман. Мен ПСВ билан ажойиб ишлар қилишни хоҳлайман, менга ишонинг" - деди 19 ёшли Симонс Algemeen Dagblad билан суҳбатда.
Инсайдер Фабрицио Романо ижтимоий тармоқларда қайд этишича, "ПСЖ" Хави Симонсни 12 миллион еврога қайтариб сотиб олиши мумкин, аммо бунинг учун клуб футболчининг розилигини олиши керак.