"Пари Сен-Жермен" "Наполи" ҳимоячиси Ким Мин Чжэга қизиқиш билдирмоқда, дея хабар беради журналист Фабрицио Романо.
Аввалроқ, кореялик футболчи фаолиятини Англияда давом эттириши мумкинлиги, у ерда "Манчестер Юнайтед", "Ливерпуль" ва "Тоттенхэм" уни ўз сафида кўришни исташи ҳақида хабар берилганди. Мин Чжэнинг "Наполи" билан амалдаги шартномаси 2025 йилнинг ёзига қадар мўлжалланган. Transfermarkt Жанубий Корея терма жамоаси футболчисини 50 миллион еврога баҳоламоқда.
Жорий мавсумда ҳимоячи неаполликлар сафида 36 та ўйин ўтказиб, 2 та гол урди ва битта голли узатмани амалга оширди. Эслатиб ўтамиз, 26 ёшли футболчи ўтган ёздан бери “Наполи” шарафини ҳимоя қилиб келмоқда. Аввалроқ у Туркиянинг “Фенербахче” жамоасида ўйнаган.
