"Фулхэм" дарвозабони Бернд Лено "Арсенал"да ўтказган вақтидан афсусда эмаслигини айтди ва "канонирлар" мухлисларига миннатдорчилик билдиришда давом этишини тан олди.
"Мен "Арсенал"да ажойиб тўрт йилни ўтказдим. Мухлислар билан алоқам бор, улар қийин дамларда ҳам мени қўллаб-қувватлашди. Ҳозир ҳам шаҳарга ташриф буюрганимда “Арсенал”нинг кўплаб мухлислари ёнимга келиб, ўйин учун раҳмат айтишади.
"Арсенал"даги ўтган мавсум оғир кечди, лекин умуман олганда, у ерда ўтказган вақт нафақат фаолиятим, балки ҳаётим учун жуда яхши бўлди", - деди Лено Goal портали билан суҳбатда.
31 ёшли Лено "Арсенал"да тўрт мавсумни ўтказди ва "канонирлар" сафида барча мусобақаларда 125 та ўйинда майдонга тушди. Немис дарвозабони 37 та гол ўтказиб юборди.
