"Fulxem" darvozaboni Bernd Leno "Arsenal"da o‘tkazgan vaqtidan afsusda emasligini aytdi va "kanonirlar" muxlislariga minnatdorchilik bildirishda davom etishini tan oldi.
"Men "Arsenal"da ajoyib to‘rt yilni o‘tkazdim. Muxlislar bilan aloqam bor, ular qiyin damlarda ham meni qo‘llab-quvvatlashdi. Hozir ham shaharga tashrif buyurganimda “Arsenal”ning ko‘plab muxlislari yonimga kelib, o‘yin uchun rahmat aytishadi.
"Arsenal"dagi o‘tgan mavsum og‘ir kechdi, lekin umuman olganda, u yerda o‘tkazgan vaqt nafaqat faoliyatim, balki hayotim uchun juda yaxshi bo‘ldi", - dedi Leno Goal portali bilan suhbatda.
31 yoshli Leno "Arsenal"da to‘rt mavsumni o‘tkazdi va "kanonirlar" safida barcha musobaqalarda 125 ta o‘yinda maydonga tushdi. Nemis darvozaboni 37 ta gol o‘tkazib yubordi.
