"Милан" ярим ҳимоячиси Браим Диас ҳозирги жамоасида қолиш ниятида ва футболчининг ҳуқуқларига эга бўлган "Реал"га қайтишни истамаяпти.
Il Corriere dello Sport нашри хабарига кўра, испаниялик футболчи "россонерлар" раҳбариятига жамоада қолиш истаги ҳақида маълум қилган.
"Реал" ўз навбатида Диасни ижарадан қайтаришни истамоқда, чунки кўплаб ўйинчиларнинг эркин агент сифатида кетиши мумкинлиги сабабли клуб келаси мавсум учун таркибда етарлича муаммоларга дуч келиши мумкин.
Эслатиб ўтамиз, Диас ўзининг учинчи мавсумини "Милан"да ижара асосида ўтказмоқда. Браим "Манчестер Сити"дан "Реал"га ўтди. Испаниялик футболчи А Серияда жорий мавсумда 5 та гол урди ва 4 та голли узатмани амалга оширди.
