"Milan" yarim himoyachisi Braim Dias hozirgi jamoasida qolish niyatida va futbolchining huquqlariga ega bo‘lgan "Real"ga qaytishni istamayapti.
Il Corriere dello Sport nashri xabariga ko‘ra, ispaniyalik futbolchi "rossonerlar" rahbariyatiga jamoada qolish istagi haqida ma’lum qilgan.
"Real" o‘z navbatida Diasni ijaradan qaytarishni istamoqda, chunki ko‘plab o‘yinchilarning erkin agent sifatida ketishi mumkinligi sababli klub kelasi mavsum uchun tarkibda yetarlicha muammolarga duch kelishi mumkin.
Eslatib o‘tamiz, Dias o‘zining uchinchi mavsumini "Milan"da ijara asosida o‘tkazmoqda. Braim "Manchester Siti"dan "Real"ga o‘tdi. Ispaniyalik futbolchi A Seriyada joriy mavsumda 5 ta gol urdi va 4 ta golli uzatmani amalga oshirdi.
