"Манчестер Юнайтед" агар испаниялик Давид де Хеа мавсум охирида жамоани тарк этса, янги дарвозабон қидирмоқда.
Goal.com порталининг хабар беришича, "Манчестер Юнайтед" Польша терма жамоаси ва Туриннинг "Ювентус" клуби дарвозабони Войцех Шчеснининг трансферига қизиқиш билдирмоқда. Польяк аллақачон Англияда ўйнаш тажрибасига эга - у Лондоннинг "Арсенал" клуби шарафини ҳимоя қилган.
Шчеснининг “кекса синьора” билан амалдаги шартномаси муддати 2024 йилнинг ўрталаригача ҳисобланган. Transfermarkt унинг нархини 13 миллион еврога баҳоламоқда.
А Сериянинг жорий мавсумида 32 ёшли дарвозабон 20 та ўйин ўтказиб, 16 та гол ўтказиб юборган.
