Суперлига 5-туридан ўрин олган “Бухоро” – “Бунёдкор” (0:2) учрашувидан сўнг меҳмонлар бош мураббийи Мурод Отажонов ўз фикрларини билдириб ўтди.

“Иккала жамоа ҳам охиригача курашди. Кимдир ютқазишни хоҳламади, кимдир ютишни кўпроқ истади. “Бухоро”га янги мураббий келганидан кейин яхши томонга ўзгаришлар бор эканлигига гувоҳ бўлдик. Ғалаба учун келган эдик, бугун бизнинг кунимиз экан.

Жамоаларнинг ёши ўртасидаги фарқ сезилдими? Таблодаги ҳисобга қараб айтадиган бўлсак, ҳа. Иккинчи гол киритилган вазиятда уч нафар футболчимиз бир ҳимоячига қарши қолди. Ёш футболчилар охиригача ҳаракат қилишди. Мавсумни 1-ўринда якунлаш вазифаси қўйилган деб айта олмайман, аммо имкон қадар юқори ўринни эгаллашга интиламиз”, – деди Отажонов.